Ohin, Lucia Lobato tama komarka Gleno

Mantan Menteri Kehakiman Timor Leste Masuk ke Penjara Perempuan Gleno, Distritu Ermera

Ohin, Lucia Lobato tama komarka Gleno

 By Vladimir Ageu DE SAFI'I 

Lucia Lobato adalah salah satu pemimpin Partai Sosial Demokrat yang didirikan oleh Mario Carasscalo (Mantan Gubernur Propinsi Timor Timur) yang dalam pembentukan pemerintahan hasil Pemilihan Umum 2007 dipercaya oleh Xanana Gusmao untuk menduduki posisi sebagai Menteri Kehakiman dalam Pemerintahan Aliansi Mayoritas Parlemen (AMP). Ia didakwa dengan tuduhan telah melakukan tindak pidana korupsi terkait dengan proyek yang berada di Departemen yang dipimpinnya.  

Radio Liberdade Dili, online – Liu husi desizaun, Tribunal Rekursu konsege hatama duni eis Ministra Justisa, Lucia Brandao Lobato tama komarka tinan 5 resin, iha Distritu Ermera, Gleno tuku 17:00 otl.

Tuir fontes komfirmadu katak, kondenado Lucia Lobato hetan akompaha husi Rogerio Lobato eis Ministru Interior iha I governu konstitusional hamutuk ho familia.

Kondenado Lucia Lobato to’o iha prizaun tuku 16:30 otl. Tuir fontes ne’e dehan kondenado Lucia Lobato hetan seguransa polisia nain 2 husi Dili no kareta prizaun nian 1, nomos kareta privadu iha 3.

“Sra, Lucia mai iha Gleno ne’e akompanha husi Rogerio Lobato no familia sira, too iha komarka Glelo la kleur lori tama ba prizaun laran. Sra, Lucia Lobato la tau borgol,”dehan fontes ne’e.

Ana Pessoa: Husik Tribunal tetu distinu Lucia Lobato

Antes ne’e, Prokuradoria Jeral Republika, Ana Pessoa Pinto hateten, kondenada eis Ministra Justisa, Lucia Lobato bele lamenta ho prosesu justisa ne’ebe aplika ba nia maibe desizaun tribunal mak justu no a’as liu ema hotu.

Kodenada eis Ministra Justisa, Lucia Lobato hetan pena prizaun tinan 3 ho balun husi Tribunal Distrital Dili, tamba deskobre involve iha kazu KKN, bainhira sei asumi kargu nudar Ministra Justisa iha IV governu konstitusional.

Bainhira desizaun ne’e, Lucia Lobato la simu no uza sira nia direitu hodi halo rekursu, maibe Tribunal Rekursu hasai desizaun oin seluk hodi aumenta tan pena prizaun tinan 5 ba eis Ministra husi Partido Sosial Demokrata (PSD) ne’e.

Maske desizaun iha ona, maibe seidauk iha mandatu de kapturasaun, tamba kondenadu eis Ministra Justisa, Lucia Lobato sei uza ninia direitu hodi halo rekursu extra ordinariu ba Tribunal Rekursu.

Antes ne’e, iha media nasional kondenada Lucia Lobato konsidera iha mafia justisa ba nia kazu tamba ukun nain sira tenki neon nain no matan moris.

Hatan ba kestaun sira ne’e, Prokuradoria Jeral Republika, Ana Pessoa Pinto dehan, ema hotu iha direitu atu koalia, maibe desizaun Tribunal mak as liu no justu ba ema hotu.

“Husik nia (Lucia) lamenta ba ida ne’e, ita komprende  nia (Lucia) bele koalia oioin, tribunal mak disidi,”dehan Ana Pessoa Pinto bainhira remata hasoru malu ho Primeiru Ministru, Kay Rala Xanana Gusmao Segunda, (21/1), iha Palacio do governu.

Tuir Ana Pessoa, kleur ka lalais, kazu Lucia Lobato agora iha Tribunal Rekursu, tamba ne’e hein deit desizaun Tribunal nian. ***